Rusiye gece Ukrayinağa 440-tan ziyade uçucısız uçaq ve 32 raketa ile ücüm etti, dep bildirdi ukrayin lideri Volodımır Zelenskıy.
"440-tan ziyade uçaqsız uçaq ve 32 raketa. Kıyivge eñ qorqunçlı darbelerinden biri. Bundan da ğayrı, Odesa, Zaporojjâ, Çerniğiv, Jitomır, Kirovoğrad, Mıkolayiv vilâyetleri ve Kıyiv vilâyetlerine ücüm etildi", — dep yazdı o telegramda.
Onıñ malümatına köre, şimdi Kıyivde viranelerniñ tübünden insanlarnı çıqarmağa tırışalar. Umumen Kıyivniñ sekiz rayonında binalar zarar kördi.
Umumen Ukrayinada gece Rusiye ücüminden 75 insan zarar kördi, 15-i elâk oldı.
"Bu kibi ücümler açıq terrorizmdir. Ve bütün dünya, ABD ve Avropa, niayet medeniy cemiyetniñ terrorcılarğa olğan munasebetini köstermeli. Putin bunı cenkni devam etmege aqqı olğanı içün yapa. O, daa çoq cenk istey. Küçlü memleketler buña köz yumğanda, yaramay", — dep qayd etti prezident.
Şimdilik belli olğanı kibi, Kıyivde yaralanğanlarnıñ sayısı 99 insanğa arttı, 59-ı hastahanege alındı.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
