ABD prezidenti Donald Trump Ukrayina lideri Volodımır Zelenskıynen Kanadadaki G7 sammiti vaqtında eki taraflı muzakereler keçirecek, dep bildirdi Beyaz saray memurı Reuters agentligine.
Bundan evel bir çoq kütleviy haber vastası bu körüşüv ola bile, dep bildirgen edi.
Memurnıñ malümatına köre, Trump Meksika prezidenti Klaudiya Şeynbaum ile körüşecek.
«Yedi gruppası» memleketleriniñ liderleri Yaqın Şarq vaziyetini ve Rusiyeniñ Ukrayinağa qarşı cenkini muzakere etecek daa bir sammitke toplaştı. Lâkin İsrail ve İran tarafından atışlar ve kerginlikti toqtatacaq ğayretler sammitte Ukrayinadaki cenknen yarışlaşacaqtır.
Donald Trump iyünniñ 14-nde Kreml yolbaşçısı Vladimir Putin «doğğan künümi hayırlamaq içün (iyünniñ 14-nde Trump 79 yaşını toldurdı – QA) telefon etti, amma, daa müimi, İran aqqında laf etmek içün».
Trumpnıñ aytqanına köre, subet vaqtında Rusiyeniñ Ukrayinağa qarşı cenkine daa az vaqıt ayırıldı, amma «bu kelecek afta olacaq».
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
