Ukrayina arbiyleri Rusiye gece Ukrayinağa atqan 125 dronnı zararsız alğa ketirdi, dep haber ete Ukrayina Silâlı Quvetleri Ava küçleriniñ matbuat hızmeti.
Haberge köre, 84 uçucısız ateş vastalarınen urıp tüşürildi, 41-i coyuldı/radioelektron küreş vastalarınen bastırıldı. 10 yerde duşmannıñ ava ücüm vastasınıñ darbesi qayd etildi, sekiz yerde parçalar tüşti.
Ukrayina Silâlı quvetleriniñ Ava küçleri haber etkenine köre, iyünniñ 16-na keçer gecesi (iyünniñ 15-nde saat 21:00-den başlap) duşman 138 Shahed darbe uçucısızınen ve taqlit uçucısızlarınen farqlı yönelişlerden ücüm etti: Brânsk, Kursk, Orel, Şatalovo – Rusiye Federatsiyası. Darbeniñ esas yönelişi – Donetsk vilâyeti.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, tınç ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
